من القصف الغسرائيلي على بيت جن - نقلا عن سانا
اسرائیل نے شامی فوج کو خبردار کر دیا کہ وہ اس کے فوجیوں پر حملہ نہ کرے
اسرائیل کی جانب سے گرفتاریوں کی کارروائیوں میں کمی
اسرائیل فوج کی جانب سے شام کے مختلف علاقوں میں سرحدی خلاف ورزیوں کا سلسلہ جمعے کے روز بھی جاری رہا۔ اس دوران شام میں بشار الاسد کی حکومت کے خاتمے پر ایک سال گزرنے کی خوشیاں منائی جا رہی تھیں۔
شامی میڈیا کے مطابق اسرائیلی فوج درعا کے علاقے حوض الیرموک میں داخل ہو گئی اور قنیطرہ کے گاؤں الحمیدیہ میں شہریوں پر فائرنگ کی۔
شام کی سرکاری خبر رساں ایجنسی "سانا" کے مطابق اسرائیلی فوج نے قنیطرہ میں منعقد ایک عوامی تقریب میں شہریوں کو نشانہ بنایا لیکن کسی کے زخمی ہونے کی اطلاع نہیں ملی۔
Your browser doesn’t support HTML5 video
مزید بتایا گیا کہ شہریوں کو تقریب کے بعد اپنے گاؤں میں واپس جانے سے آدھے گھنٹے کے لیے روکا گیا۔
اسرائیلی حملوں کے خلاف ہزاروں شامی شہریوں نے جمعے کی نماز کے بعد مرکزی چوراہوں میں جمع ہو کر مظاہرے کیے۔ انھوں نے شام کی وحدت کے لیے اپنی حمایت کا اظہار کیا اور اسرائیلی جارحیت کے خلاف احتجاج کیا۔
مظاہرین نے بیت جن پر فضائی حملوں کی مذمت کی جس میں 13 افراد ہلاک ہوئے۔
جمعے کی صبح اسرائیلی فوج نے دمشق کے دیہی علاقے میں بیت جن قصبے پر فضائی حملہ کیا، اس دوران ایک فوجی گشتی دستہ بھی قصبے میں داخل ہوا۔
Your browser doesn’t support HTML5 video
اسرائیلی ہیلی کاپٹر اور توپ خانے نے قصبے کو بم باری کا نشانہ بنایا جو جبل الشیخ کے پہاڑ کے دامن میں واقع ہے۔
رپورٹوں کے مطابق شہریوں اور اسرائیلی فوجی دستے کے درمیان جھڑپیں ہوئیں۔ اس دوران فوج نے 3 نوجوانوں کو گرفتار کیا اور پھر "باط الوردہ" کے ٹیلے پر پوزیشن سنبھال لی۔
بیت جن کے شہریوں نے حملے کے بعد قریبی دیہات کی طرف نقل مکانی شروع کر دی۔
اسرائیلی فوج کے مطابق اضافی بریگیڈ 55 اور 210 ڈویژن کی قیادت میں رات بھر بیت جن میں مطلوب افراد کی گرفتاری کی کارروائی کی گئی۔
انٹیلی جنس معلومات کے مطابق کارروائی کے دوران اسرائیلی فوجیوں پر فائرنگ کی گئی، جس پر انھوں نے فضائی مدد کے ساتھ جواب دیا۔ فائرنگ کے نتیجے میں دو افسران اور ایک ریزرو فوجی شدید زخمی اور تین دیگر فوجی معمولی زخمی ہوئے۔
تمام مطلوب افراد کو گرفتار کر لیا گیا اور کچھ مسلح افراد کو ہلاک کر دیا گیا۔