• صفحہ اول
• مشرق وسطی

غزہ شہر کے مشرقی حصے میں آج ہفتے کی صبح اسرائیلی افواج کی فائرنگ کے نتیجے میں تین فلسطینی شہری زخمی ہو گئے۔

فلسطینی خبر رساں ایجنسی ’وفا‘ نے طبی ذرائع کے حوالے سے بتایا ہے کہ قابض فوج نے شہر کے مشرق میں عمر المختار سٹریٹ کے اختتام پر شہریوں پر اندھا دھند براہ راست گولیاں برسائیں جس کے نتیجے میں وہ مختلف نوعیت کے زخموں سے چور ہو گئے۔

اسرائیلی جنگی طیاروں نے غزہ پٹی کے جنوب میں واقع شہر خان یونس کے مشرقی قصبے بنی سہیلہ پر بھی فضائی حملہ کیا اور اسی دوران اسرائیلی بحریہ نے شہر کے سمندر میں شدید فائرنگ کی۔

عینی شاہدین کے مطابق قابض فوج کی گاڑیوں نے پٹی کے شمالی علاقوں کے مشرقی حصوں کی جانب بھی بھاری فائرنگ کی۔

ایجنسی کے مطابق قابض اسرائیل جنگ بندی کے اس معاہدے کی مسلسل خلاف ورزی کر رہا ہے۔ گذشتہ برس اکتوبر میں نافذ ہونے والے جنگ بندی معاہدے کےبعد اسرائیلی خلاف ورزیوں کے نتیجے میں اب تک 611 شہری جاں بحق اور تقریباً 1633 زخمی ہوچکے ہیں۔جبکہ ملبے سے 726 جسد خاکی نکالے جا چکے ہیں۔