پاکستانی وزیر اعظم کی جدہ آمد اور سعودی ولی عہد سے ملاقات
پاکستان کے وزیر اعظم شہباز شریف آج سعودی عرب کے مغرب میں واقع شہر جدہ پہنچے ہیں۔ وہ اپنے اس سرکاری دورے کے دوران سعودی ولی عہد اور وزیر اعظم شہزادہ محمد بن سلمان سے ملاقات کریں گے۔ ایک ماہ سے بھی کم مختصر عرصے میں ان کا سعودی عرب کا یہ دوسرا دورہ ہے، جو ان کے ملک کے ساتھ مشترکہ تزویراتی دفاعی معاہدے میں شراکت دار ہے۔
العربیہ ڈاٹ نیٹ کے ذرائع کے مطابق وزیر اعظم شہباز شریف کے دورہ سعودی عرب میں خطے میں کشیدگی کم کرنے کے طریقوں پر تبادلہ خیال کیا جائے گا۔ اس کے ساتھ ہی امریکہ اور ایران کے درمیان مذاکرات پر بھی بحث ہو گی۔
Your browser doesn’t support HTML5 video
واضح رہے کہ اسلام آباد نے پہلے دور کے ناکام ہونے کے بعد دوسرے دور کی میزبانی کی تجویز دی ہے تاکہ خطے میں اس تنازع کو ختم کیا جا سکے جو رواں سال 28 فروری کو تہران کے خلاف امریکی اور اسرائیلی حملوں سے شروع ہوا تھا۔ یہ پیش رفت ان عالمی کوششوں کے درمیان سامنے آئی ہے جن میں بات چیت جاری رکھنے اور 7 اپریل کو دو ہفتوں کے لیے اعلان کردہ جنگ بندی کو تقویت دینے پر زور دیا جا رہا ہے۔
شہباز شریف سعودی عرب کا یہ دورہ ایک علاقائی دورے کے تناظر میں کر رہے ہیں جس میں قطر بھی شامل ہے۔ یہ دورہ واشنگٹن اور تہران کے درمیان مذاکرات کے اس دور کے بعد ہو رہا ہے جو فریقین کے درمیان کسی پیش رفت کے بغیر ختم ہو گیا تھا۔ اس کے مقابلے میں اب امریکہ اور ایران کے درمیان مذاکرات کے ممکنہ دوسرے دور کے لیے انتظار کی کیفیت پائی جا رہی ہے۔