امارات ایئرلائن کا ایک ایئربس اے 380-800 طیارہ متحدہ عرب امارات کے دبئی انٹرنیشنل ایئرپورٹ سے پرواز کر رہا ہے۔ (فائل فوٹو: رائٹرز)
ایرانی میزائل اور ڈرون حملے کے بعد متحدہ عرب امارات نے اپنی فضائی حدود محدود کر دیں
بیروت کے ایئرپورٹ سے روانہ ہونے والی زیادہ تر پروازیں بھی منسوخ
ملک کی جنرل سول ایوی ایشن اتھارٹی کے شائع کردہ نوٹمز کے مطابق متحدہ عرب امارات نے کم از کم 11 مئی تک پروازوں کو معدودے چند منظور شدہ راستوں تک محدود کر دیا اور ہنگامی سکیورٹی پروٹوکول فعال کر دیا ہے۔
متحدہ عرب امارات نے فضائی حدود کے تمام احتیاطی پابندیاں اٹھاتے ہوئے اپنی فضائی حدود کھول دینے کا کہا تھا جس کے دو دن بعد یہ پابندیاں سامنے آئی ہیں۔
متحدہ عرب امارات نے پیر کے روز کہا تھا کہ اس کے فضائی دفاعی نظام نے ایرانی میزائلوں اور ڈرونز کو ناکام بنا دیا جس کے باعث متعدد پروازیں عمان کے مسقط کی طرف مڑنے اور سعودی عرب کے اوپر دائرے کی صورت میں سفر کرنے پر مجبور ہو گئی تھیں۔
نوٹمز میں "امارات کے فلائٹ انفارمیشن ریجن کو جزوی طور پر بند" بتایا گیا اور مزید کہا کہ پروازوں کو صرف مخصوص داخلی اور خارجی راستوں سے متحدہ عرب امارات آنے اور جانے کی اجازت دی گئی تھی۔
دوسری جانب بیروت کے رفیق حریری بین الاقوامی ائیرپورٹ کی باضابطہ ویب سائٹ کے مطابق منگل اور بدھ کو ایئرپورٹ سے روانہ ہونے والی زیادہ تر پروازیں منسوخ کر دی گئی ہیں۔ پروازوں کی منسوخی کی وجہ واضح نہیں کی گئی۔