• صفحہ اول
• مشرق وسطی

پاکستان نے سعودی عرب کی سکیورٹی، اس کی خود مختاری اور ارضی سالمیت کے لیے اپنے غیر متزلزل موقف اور حمایت کا اعادہ کیا ہے۔ ساتھ اس عزم پر زور دیا ہے کہ مملکت کو نشانہ بنانے والے یا اس کی سکیورٹی اور استحکام کو متاثر کرنے والے کسی بھی خطرے کو قطعی مسترد کیا جاتا ہے۔

پاکستانی حکومت نے ایک بیان میں سعودی عرب کے خلاف حوثی ملیشیا کی جانب سے مسلسل خطرات اور حملوں کے ساتھ ساتھ خطے میں بحری جہاز رانی کے خلاف اس کی کارروائیوں کی شدید مذمت کی ہے... اور یہ موقف اختیار کیا ہے کہ یہ حرکات علاقائی سکیورٹی اور استحکام کے لیے براہ راست خطرہ ہیں۔

بیان میں واضح کیا گیا ہے کہ حوثی ملیشیا کی جانب سے کیے جانے والے حملوں کے اثرات صرف نشانہ بننے والے ممالک تک محدود نہیں ہیں، بلکہ یہ بین الاقوامی بحری نظام کے لیے ایک چیلنج ہیں اور آبی گزرگاہوں کی سکیورٹی اور جہاز رانی کی آزادی کو خطرے میں ڈالتے ہیں۔ اس کے نتیجے میں عالمی تجارت اور بین الاقوامی سپلائی چینز کے استحکام پر منفی اثرات مرتب ہوتے ہیں۔

پاکستان کا یہ موقف اسلام آباد کی جانب سے سعودی عرب کی حمایت میں کیے جانے والے فیصلوں کا تسلسل ہے۔ یہ اس بات کی تصدیق ہے کہ خطے کی سکیورٹی کا تحفظ اور بحیرہ احمر سمیت اہم بحری گزرگاہوں میں بین الاقوامی جہاز رانی کی سلامتی کو یقینی بنانا انتہائی اہم ہے۔