غلاف کعبہ کی تیاری میں جدید طریقے استعمال کرنے کی منظوری

متبادل نظام میں الیکٹریکل، برقی اورمیکینکل آلات شامل کئے جائیں گے

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

خادم الحرمین الشریفین شاہ عبداللہ بن عبدالعزیز نے بیت اللہ کی زیارت آسان بنانے کے لیے حجاج ومعتمرین کی خاطر جہاں عصری سہولیات کی فراہمی کا بیڑا اٹھایا ہے وہیں غلاف کعبہ شریف کے ڈیزائن اور اس کی تیاری کے لیے استعمال ہونے والے سسٹم کو بھی اپ گریڈ کرنے کی منظوری دی ہے۔ غلاف کعبہ کی سلائی اور کڑہائی کے نئے نظام میں الیکٹرانک، برقی اور مکینیکل آلات استعمال کیے جائیں گے۔

مسجد حرام کی دیکھ بھال کمیٹی کے چیئرمین اور امام کعبہ الشیخ عبدالرحمان السدیس نے"العربیہ ڈاٹ نیٹ" کو بتایا کہ غلاف کعبہ کی تیاری کے لیے نئے نظام کی منظوری اس بات کا بین ثبوت ہے کہ خادم الحرمین الشریفین خانہ کعبہ کو کتنی زیادہ اہمیت دے رہے ہیں۔ شاہ عبداللہ اور ان کے نمائندوں کی بیت اللہ کے لیے خدمات صرف حجاج و معتمرین کی بے لوث خدمت تک محدود نہیں بلکہ حرم الشریف کی توسیع اورغلاف خانہ کعبہ کے نئے انداز میں تیاری جیسے بڑے کارنامے بھی شاہ عبداللہ کی خصوصی توجہ کا نتیجہ ہیں"۔

ایک سوال کے جواب میں الشیخ السدیس کا کہنا تھا کہ غلاف کعبہ کی تیاری کے لیے جدید ترین آلات کے استعمال سے نہ صرف غلاف میں جدت آئے گی بلکہ اس سے عالم اسلام میں یہ پیغام جائے گا کہ سعودی حکومت غلاف کعبہ کی تیاری کے لیے جدید طریقے استعمال کر رہی ہے۔

درایں اثناء حرمین الشریفین کی امور کی نگراں کمیٹی نے خصوصی افراد کو طواف کعبہ کرانے والے عملے کے لیے سیاہ رنگ کی پرانی وردی میں تبدیلی کی بھی منظوری دی ہے۔ زمانہ قدیم سے مستعمل یونیفارم گرم موسم میں تکلیف کا باعث تھا جبکہ مطوفین کی خاکی رنگ کی نئی وردی انہیں موسم کی شدت سے محفوظ رکھنے میں مدد فراہم کرے گی۔

امور طواف کے ڈائریکٹر الشیخ عبدالحمید المالکی نے"العربیہ ڈاٹ نیٹ" کو بتایا کہ مطوفین کی سہولت کی خاطر شیخ عبدالرحمان السدیس کی ہدایت پرنئی وردی کا ڈیزائن تیار کرنے کے بعد گذشتہ رمضان المبارک سے اس کا استعمال شروع کیا جا چکا ہے۔ آئندہ کسی بھی شخص کے لیے حرم میں داخل ہونے سے قبل نیا لباس زیب تن کرنا لازمی ہو گا۔

مقبول خبریں اہم خبریں

مقبول خبریں