قطری بحران سے داعش کے خلاف جنگ متاثر نہیں ہوگی: امریکا

امریکا کی جوائنٹ چیف آف اسٹاف کمیٹی کے چیئرمین نے کہا ہے کہ قطر اور دوسرے خلیجی ملکوں کے درمیان پیدا ہونے والے سفارتی تنازع سے داعش اور دہشت گردی کے خلاف ہماری جنگ متاثر نہیں ہوگی۔

العربیہ ڈاٹ نیٹ کے مطابق امریکی سینٹ میں مسلح افواج کمیٹی میں ایک بیان دیتے ہوئے کہا کہ ہم قطر اور دوسرے خلیجی ممالک کے درمیان بحران کا گہرائی سے جائزہ لے رہے ہیں مگر ہمیں تمام فریقین کی طرف سے بھرپور تعاون کی یقین دہائی کرائی گئی ہے۔ تمام فریقین نے ہمیں اطمینان دلایا ہے کہ ہم قطر کے ساتھ آزادانہ روابط رکھ سکتے ہیں۔

گذشتہ ہفتے جب سعودی عرب اور اس کے اتحادیوں نے قطر کے سفارتی اور معاشی بائیکاٹ کا اعلان کیا تو امریکی محکمہ دفاع ’پینٹاگون‘ نے کہا تھا کہ قطر بحران سے امریکی فوجی آپریشنز متاثر نہیں ہوں گے تاہم ان کا کہنا تھا کہ خلیجی بحران کے باعث آپریشن پلاننگ کی کارکردگی پر دور روس اثرات ضرور مرتب ہوں گے۔