سعودی عرب کا جمہوریہ سلووینیا کی طرف سے فلسطینی ریاست کو تسلیم کرنے کا خیر مقدم

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی عرب کی وزارت خارجہ نے جمہوریہ سلووینیا کی پارلیمنٹ میں فلسطینی ریاست کو تسلیم کرنے کے حکومتی فیصلے کی توثیق کا خیرمقدم کیا۔

سعودی پریس ایجنسی ’ایس پی اے‘ کے مطابق وزارت خارجہ نے ایک بیان میں کہا ہے کہ مملکت جمہوریہ سلووینیا کے فلسطینی ریاست کو تسلیم کرنے کے فیصلے کو سراہتی ہے۔ اس سے فلسطینی عوام کے حق خود ارادیت کے بارے میں بین الاقوامی قراردادوں پر عمل درآمد میں مدد ملے گی اور مشرقی یروشلم پر مشتمل 1967ء کی سرحدوں پر واقع آزاد فلسطینی ریاست کے قیام کی راہ ہموار ہوگی۔

خیال رہے کہ گذشتہ روز جمہوریہ سلووینیا کی پارلیمنٹ میں پیش کی گئی قرارداد میں فلسطینی ریاست کوتسلیم کرنے کا اعلان کیا گیا ہے۔ اسرائیل نے اس فیصلے پر سخت ناراضی کا اظہار کیا جب کہ فلسطینیوں نے اس کا خیر مقدم کیا ہے۔

مقبول خبریں اہم خبریں

مقبول خبریں