شامی اپوزیشن گروپ کا بشار رجیم سے رابطے پر غور

دعوت روس کیطرف سے انسانی المیے سے نمٹنے کیلیے دی گئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

مغربی ممالک کا حمایت یافتہ شامی اپوزیشن گروپ بشار الاسد رجیم سے ماسکو میں مذاکرات کی روسی دعوت پر غور کر رہا ہے۔ اس دعوت کا مقصد جنگ زدہ اہل شام کی انسانی بنیادوں پر مدد کے امکانات پر مشاورت ہے۔

فوری طور پر یہ یہ واضح نہیں ہو سکا ہے کہ شامی حکومت کے نمائندوں کے ساتھ یہ گروپ براہ راست مذاکرات کرے گا یا با لواسطہ طور رابطہ ہو گا۔ نہ ہی یہ بتایا گیا ہے کہ مجوزہ مذاکرات کب تک ممکن ہو سکیں گے۔

اس بارے میں شامی اپوزیشن کے اہم رہنما کمال لبوانی کا کہنا ہے'' ابھی ہم اس دعوت پر غور کر رہے ہیں کہ روس کی اس خواہش کو پذیرائی دی جائے یا نہیں۔''

ان کا یہ بھی کہنا ہے ''ان مجوزہ مذاکرات کو اپوزیشن اتحاد کے ماہرین کیلیے ایک راستے کے طور پر دیکھا جا رہا ہے، تاکہ ہلال احمر سوسائٹی کے توسط سے زیر محاصرہ شامی عوام کیلیے خوراک کی فراہمی محفوظ انداز میں ممکن ہو سکے۔''

کمال لبوانی کا مزید کہنا تھا ''روس چاہتا ہے کہ اس طریقے سے بشار رجیم اور اپوزیشن کے درمیان ایک رابطہ کی راہ ہموار ہو جائے، ہمارے اتحاد میں شامل بعض ساتھیوں کا یہ بھی کہنا ہے کہ روس انسانی مسائل کی آڑ استعمال کرتے ہوئے شامی رجیم کیلیے قبولیت پیدا کرنا چاہتا ہے۔''

مقبول خبریں اہم خبریں

مقبول خبریں