دبئی : شیخ محمد کا اچانک دورہ ، ڈائریکٹر حضرات غائب

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سوشل میڈیا پر کچھ وڈیو کلپس گردش میں ہیں جن میں دبئی کے حکمراں شیخ محمد بن راشد آل مکتوم اتوار کی صبح بعض حکومتی محکموں کا دورہ کرتے ہوئے نظر آرہے ہیں اس دوران انہوں نے بعض دفاتر کو اعلی اہل کاروں سے خالی پایا۔

شیخ محمد نے اتوار کی صبح سویرے سب سے پہلے دبئی کے ہوائی اڈے کا دورہ کر کے وہاں کام کی رفتار کا معائنہ کیا۔ اس کے بعد انہوں نے دیگر محکموں کا رخ کیا جن میں دبئی کی بلدیہ، محکمہ اراضی و املاک اور اقتصادی ترقی کا محکمہ شامل ہیں۔ ان دفاتر میں بعض ڈائریکٹرز اور اعلی اہل کار اپنی نشستوں پر نہیں تھے۔

اس دورے کے حوالے سے سوشل میڈیا صارفین کی جانب سے بہت سے مثبت ردعمل سامنے آئے۔ نیوز ویب سائٹ 24.ae کے چیف ایڈیٹر علی بن تمیم نے اپنے ٹوئیٹ میں کہا ہے کہ " اماراتی خاتون کے دن کے موقع پر محمد بن راشد نے سرکاری محکموں کا دورہ کیا اور ان پر یہ انکشاف ہوا کہ ڈائریکٹرز اور سینئر اہل کار موجود نہیں"۔

میڈیا پرسن مریم بنت فہد نے اپنے ٹوئیٹر اکاؤنٹ پر تبصرہ کرتے ہوئے کہا کہ " محمد بن راشد دبئی کے حکومتی اداروں میں صبح کا دورہ کر رہے ہیں جس کے دوران یہ بات سامنے آئی کہ وہاں کے ڈائریکٹرز اور بڑے اہل کار غائب ہیں"۔

مقبول خبریں اہم خبریں

مقبول خبریں