شام: مغربی قلمون میں حزب اللہ کے 13 جنگجو ہلاک

لبنانی میڈیا نے جمعرات کے روز بتایا ہے کہ حزب اللہ ملیشیا نے دمشق کے نواح میں قلمون کے مغربی علاقے میں شامی حکومت کے شانہ بشانہ لڑتے ہوئے مارے جانے والے اپنے 13 جنگجوؤں کی تدفین کر دی ہے۔

ذرائع کے مطابق ہلاک شدگان کی اکثریت کا تعلق لبنان کے جنوبی دیہات اور قصبوں سے ہے۔

یہ ہلاکتیں حزب اللہ کے سکریٹری جنرل حسن نصر اللہ کی جانب سے داعش کے ساتھ ڈیل کے اعتراف سے قبل واقع ہوئیں۔ نصر اللہ نے جمعرات کی شام اپنے ایک خطاب میں بتایا کہ داعش کے ساتھ جنگ بندی کے معاہدے کے سلسلے میں حالیہ مذاکرات تنظیم کے خلاف لڑائی کے متوازی شروع ہوئے۔

نصر اللہ کا یہ بھی کہنا تھا کہ حزب اللہ نے شامی حکومت کی افواج کے ساتھ ایک مشترکہ حملے کے نتیجے میں لبنانی سرحد ساتھ واقع شامی جانب پر داعش کے زیر قبضہ مختلف ٹھکانوں پر کنٹرول حاصل کر لیا۔