سعودی پاسپورٹ ڈیپارٹمنٹ میں خواتین کے لیے ملازمتوں کا اعلان

خواتین کو 'سپاہی' کے عہدوں پرتعینات کیا جائے گا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

سعودی عرب کی وزارت داخلہ کی ایجنسی برائے عسکری امور نے پاسپورٹس ڈیپارٹ منٹ میں پہلی بار خواتین کی سپاہی کے عہدوں پر تقرریوں کی منظوری دی ہے۔ ان خواتین کو ہوائی اڈوں اور بری راہ داریوں پر تعینات کیا جائے گا۔

سعودی پریس ایجنسی "ایس پی اے" کے مطابق محکمہ پاسپورٹ کی طرف سے www.jobs.sa ویب سائیٹ پر اتوار کےروز ایک اشتہار جاری کیا گیا جس میں خواتین امیدواروں سے درخواستیں طلب کی گئی ہیں۔ اشتہار میں‌ خواتین امیدواروں کے لیےبھرتی کی شرائط بھی مقرر کی گئی ہیں۔ شرائط پوری نہ کرنے والی امیدواروں کی درخواستیں زیرغور نہیں لائی جائیں گی۔

ایمی گریشن ڈیپارٹمنٹ میں خواتین سپاہیوں کے لیے پہلی شرط یہ ہے کہ وہ سعودی شہری ہوں اور ان کی پرورش مملکت کے اندر ہوئی ہو۔ تاہم ان کے والدین کی بیرون ملک خدمات پر کوئی اعتراض نہیں ہوگا۔

سیکیورٹی اداروں کےہاں ان کا ریکارڈ شفاف ہو اور ان پر کوئی شرعی یا کسی دوسری نوعیت کا جرائم کا کیس نہ بنا ہو۔ انہیں کسی تعلیمی ادارے سے کسی بھی وجہ سے بے دخل نہ کیا گیا ہو۔ امیدواروں کی عمر 25 سے 35 سال کے درمیان ہو۔ انہیں میڈیکل فٹنس کاسرٹیفکیٹ بھی دینا اور لینگویج کا امتحان بھی پاس کرنا ہوگا۔ قد کم سے کم 155 سینٹی میٹر اور کسی غیر سعودی باشندے سے شادی نہ کی ہو۔ تعلیمی قابلیت کم سے کم میٹرک ہو۔ غیرملکی زبان اور کمپیوٹر کے کورس کرنے والی امیدواروں کو ترجیح دی جائے گی۔

مقبول خبریں اہم خبریں

مقبول خبریں