سعودی عرب: ریستوران میں تشدد کے واقعے میں ملوث افراد کی فوری گرفتاری کا حکم

سعودی عرب کے پراسیکیوٹر جنرل کے ایک ذمہ دار ذریعے نے ایک ہوٹل میں تشدد کے واقعے کا نوٹس لیتے ہوئے پولیس کو تشدد کے مرتکب عناصر کو فورا گرفتار کرنے کا حکم دیا ہے۔

سعودی عرب میں ایک ہوٹل میں تشدد کے واقعے کی ویڈیو سوشل میڈیا پر وائرل ہونے کے بعد پراسیکیوٹر جنرل نے اس کا نوٹس لیا ہے۔ وائرل ویڈیو میں نوجوانوں کے ایک گروپ کو ایک ریستوران کے ملازمین کو بری طرح مارتے ہوئے دکھایا گیا ہے۔

سوشل میڈیا پر وائرل ہونے والی ویڈیو پر ردعمل میں سماجی کارکنوں اور عوامی حلقوں نے حملہ آوروں کو عبرت ناک سزا دینے کا مطالبہ کیا تھا۔

پبلک پراسیکیوشن کے ایک سرکاری ذریعے نے بتایا کہ پارلیمانی مانیٹرنگ سینٹر کی جانب سے سوشل میڈیا پر وائرل ہونے والی ویڈیو میں کانوٹس لیتے ہوئے ملزمان کے خلاف کارروائی کے احکامات دیے گئے ہیں۔ سعودی عرب کے پراسیکیوٹر جنرل الشیخ عبداللہ المعجب نے ریستوران میں تشدد کے واقعے میں ملوث عناصر کو فورا گرفتار کر کے عدالت میں پیش کرنے کا حکم دیا ہے۔