تیز رفتار تبدیلیوں سے بھری دنیا میں فن ایک عالمی زبان ہے جو سرحدوں اور ثقافتوں سے ماورا ہوتی ہے۔ یہی وہ چیز ہے جسے سعودی مصور مازن زہیر نے اپنی منفرد صلاحیتوں اور اختراعی وژن کے ساتھ پیش کیا۔ خوبصورتی کے امتزاج کے ساتھ اپنے اسلوب میں اپنے پیغام کی وضاحت کی۔ سعودی مصور مازن زہیر ہمیشہ کی طرح اپنی پینٹنگز کے ذریعے گہرے پیغامات پہنچانے کی کوشش کرتے ہیں اور اپنے ذاتی تجربات اور مشاہدات کے ذریعے معاشرے کے جذبات کی ترجمانی اور عکاسی کرتے ہیں۔ مازن زہیر آرٹ کو سماجی پیغامات کی ترسیل کے لیے بات چیت کا ایک ذریعہ سمجھتے ہیں۔
’’العربیہ ڈاٹ نیٹ‘‘ کے ساتھ ایک انٹرویو میں مصور مازن زہیر نے کہا کہ سب سے اہم چیز جو میری پینٹنگز کو ممتاز کرتی ہے وہ "وضاحت" ہے۔ میں ایک ایسا شخص ہوں جو اپنی پینٹنگز کو آسان اور واضح خیال کے ساتھ پیش کرنا پسند کرتا ہوں۔ جیسے ہی ناظرین کی نظر آرٹ ورک پر پڑتی ہے تو اسے واضح پیغام ملتا ہے۔ انہوں نے کہا میں ہمیشہ اس بات کو یقینی بناتا ہوں کہ میرے کام کی تعریف کی جائے اور یہ دلچسپ بھی ہو۔ عام آدمی کی توجہ اس کی خوبصورتی اور تفصیلات کی طرف مبذول کرائی جائے۔ مجھے یہ پسند نہیں کہ کوئی بھی اس کے پاس سے گزرے اور اس کی طرف دھیان نہ دے۔
تصاویر کی کہانیاں
انہوں نے مزید کہا کہ کبھی کبھی میں کسی بزرگ کی مسکراہٹ یا کسی بچے کی حیرت کی طرف متوجہ ہو جاتا ہوں۔ یہاں میں ایک ڈرائنگ کی تعریف کرتا ہوں۔ بہت سے لوگوں کا خیال ہے کہ تصویر بنانے کا خیال حقیقت اور ڈرائنگ میں مماثلت رکھتا ہے لیکن حقیقت میں یہ ایک خاص شاٹ یا چہرے کے تاثرات میں فنکار کا اظہار ہے جو مصور کے خیال میں ڈرائنگ میں ہونا ضروری ہے۔
انہوں نے اپنے غیر ملکی کارکنوں کی تصویر کشی کی وجہ کے بارے میں گفتگو کو جاری رکھتے ہوئے کہا کہ میں نے متعدد بار ملک سے باہر سفر کیا خواہ وہ مطالعہ کے لیے ہو یا سیاحت کے لیے۔ مجھے ان ممالک کے لوگوں کی طرف سے خوش آمدید کیا گیا یہ ایک ناقابل فراموش احساس ہے۔ اس سے ہمارے ملک کا ایک اچھا تاثر گیا۔ ہم گھاس کے میدان اور دریا ہیں، ہمارا سچا مذہب جو ہمیں تکبر سے منع کرتا ہے اور مہمان کی عزت کرنے کا حکم دیتا ہے۔ اس لیے میں نے اپنے ساتھی کارکنوں اور معزز مہمانوں تک مجموعی طور پر سعودی معاشرے کا پیغام پہنچانے کے لیے اپنا راستہ نکالا۔
ادبی جملے
اپنی پینٹنگز میں ادبی جملے شامل کرنے کے بارے میں انہوں نے کہا کہ شاعر فہد الموسید نے کہا ہے کہ مصور ایک ایسا شاعر ہے جسے الفاظ سے دھوکہ دیا گیا تھا اس لیے اس نے اس کا اظہار ڈرائنگ میں کرنا شروع کردیا۔ لہذا میں شاعروں اور مصنفین کا اچھا پیروکار ہوں۔
مجھے ڈرائنگ کے دوران شاعری اور ادبی کلمات سن کر لطف آتا ہے اس لیے میں ڈرائنگ کے لیے موزوں جملے کا انتخاب کرتا ہوں۔ ہمارے ساتھی مصنفین نے میرے فنی کاموں کے لیے اپنے تبصرے اور ادبی خیالات کا اظہار کیا ہے۔
فنکارانہ تحریک
مصور مازن زہیر نے مزید کہا کہ ہمارے پاس بین الاقوامی آرٹسٹ اور فنکار ہیں جن کے کام مشرق اور مغرب تک پہنچ چکے ہیں۔ چینلز، اخبارات ارو سوشل نیٹ ورکنگ کی ویب سائٹس کے ذریعے کامیاب افراد کورسز کرتے یا ڈرائینگ کی درخواستیں وصول کرتے ہیں۔ اگر ہم نے ان کی لیبارٹریوں میں تلاش کیا تو ہمیں ایسے فنکارانہ شاہکار ملیں گے جن کی ظاہری شکل سے ان کی قیمت معلوم نہیں ہو رہی ہوگی۔ واقعی ایک معاون ادارہ ہونا چاہیے جس میں ان فنکاروں کو شامل کیا جائے اور انہیں نمایاں کیا جائے۔
