قطر کا اسرائیل پر غزہ جنگ بندی کی ’مسلسل خلاف ورزی‘ کا الزام

حماس کے ٹھکانوں پر کئی مہلک حملوں کے بعد منگل کو جنگ بندی کے اہم ثالث قطر کے حکمران نے اسرائیل پر الزام عائد کیا کہ وہ 11 روز پرانی جنگ بندی کی خلاف ورزی کر رہا ہے۔

امیرِ قطر شیخ تمیم بن حمد آلِ ثانی نے شوریٰ کونسل کے قانون ساز ادارے سے سالانہ خطاب میں کہا، "ہم فلسطین میں اسرائیل کی تمام خلاف ورزیوں اور طرزِ عمل بالخصوص غزہ کی پٹی کو انسانی زندگی کے لیے غیر موزوں علاقے میں تبدیل کر دینا اور جنگ بندی کی مسلسل خلاف ورزی کی مذمت کا اعادہ کرتے ہیں"۔