اسرائیلی وزیراعظم نیتن یاہو کے دفتر نے بتایا کہ وہ منگل کے روز وائٹ ہاؤس میں امریکی صدر ڈونلڈ ٹرمپ سے ملاقات کریں گے۔ توقع ہے کہ اس ملاقات میں مشرق وسطیٰ کی صورتحال میں ہونے والی تازہ ترین پیش رفت، بالخصوص ایران کے خلاف جنگ اور لبنانی فائل پر بات چیت کی جائے گی۔
دفتر نے کہا کہاس دورے کے فریم ورک کے تحت وزیراعظم منگل کو وائٹ ہاؤس میں صدر ٹرمپ سے ملاقات کریں گے اور اسرائیل کے دوست سینیٹر لنڈسے گراہم کی جنازے کی تقریب میں شرکت کریں گے۔ لنڈسے گراہم کا انتقال 11 جولائی کو ہوا تھا۔ دفتر نے بتایا کہ نیتن یاہو پیر کو واشنگٹن کے لیے روانہ ہوں گے۔
گزشتہ سال ٹرمپ کی وائٹ ہاؤس واپسی کے بعد نیتن یاہو اور ٹرمپ کے درمیان یہ چھٹی ملاقات ہوگی۔ دونوں شخصیات کے درمیان قریبی تعلقات ہیں اور نیتن یاہو ٹرمپ کو وائٹ ہاؤس میں اسرائیل کا سب سے بڑا دوست قرار دے چکے ہیں۔
اسرائیلی وزیراعظم کا یہ دورہ ایران کے ساتھ جنگ کے راستے کے حوالے سے فریقین کے درمیان بڑھتی ہوئی کشیدگی کے سایہ میں ہو رہا ہے۔ امریکہ کی جانب سے ایران کے ساتھ مفاہمت کی ایک یادداشت پر پہنچنے کے بعد حال ہی میں ٹرمپ اور نیتن یاہو کے درمیان تعلقات میں خرابی آئی تھی۔
اسرائیلی اور امریکی ذرائع ابلاغ نے بتایا ہے کہ نیتن یاہو ہفتوں سے ٹرمپ سے ملاقات کی کوشش کر رہے تھے جس سے دونوں رہنماؤں کے درمیان اختلافات سے متعلق قیاس آرائیاں پھیلنا شروع ہوگئی تھیں۔ یاد رہے نیتن یاہو کا دورہ وائٹ ہاؤس امریکی صدر کی جانب سے اپنے لبنانی ہم منصب جوزف عون کے استقبال کے کچھ دنوں بعد ہو رہا ہے۔
یہ دورہ اسرائیل اور حزب اللہ کے درمیان جنگ بندی کو مستحکم کرنے اور ایرانی پشت پناہی حاصل کرنے والی حزب اللہ کو نہتا کرنے کی امریکی کوششوں کے سلسلے میں تھا۔
جوزف عون کے ساتھ ملاقات کا محور جنوب مغربی لبنان سے اسرائیل کے انخلا پر تھا جس کا مطالبہ لبنانی حکام واشنگٹن کی سرپرستی میں اسرائیل کے ساتھ طے پانے والے فریم ورک معاہدے پر عمل درآمد کے سلسلے میں کر رہے ہیں۔
توقع ہے کہ ٹرمپ نیتن یاہو کے ساتھ لبنانی مسئلے پر بحث کریں گے۔ ایران کے ساتھ اس جنگ کے پر بھی بات کریں گے جو 28 فروری کو ایران پر امریکی اور اسرائیلی حملوں کے ساتھ شروع ہوئی تھی۔
نیتن یاہو کا یہ دورہ اکتوبر 2025 میں ٹرمپ کے القدس کے دورے کے نو ماہ بعد ہو رہا ہے جس میں انہوں نے غزہ میں جنگ بندی کا باعث بننے والے مذاکرات کے فریم ورک کے تحت اسرائیلی وزیراعظم سے ملاقات کی تھی۔
