آبنائے ہرمز پر عمان سے مذاکرات میں امریکہ شامل نہیں ہے: ایران

ایرانی وزارتِ خارجہ نے پیر کے روز کہا ہے کہ آبنائے ہرمز کا انتظام سنبھالنے کے حوالے سے عمان کے ساتھ حالیہ مذاکرات میں امریکہ شامل نہیں ہے۔

وزارت کے ترجمان اسماعیل بقائی نے ہفتہ وار پریس بریفنگ میں کہا، "ان مذاکرات کا امریکہ سے کوئی تعلق نہیں ہے۔ یہ ایران اور عمان کے درمیان دو طرفہ معاملہ ہے اور یہ جاری ہیں۔" نیز کہا ہے کہ آبی گذرگاہ "بند ہے"۔

ایران نے اتوار کے روز کہا تھا کہ آبنائے ہرمز کا انتظام سنبھالنے پر عمان سے مذاکرات میں پیش رفت ہوئی۔

بغائی نے یہ بھی کہا کہ ثالثین نے امریکہ سے ایران کو پیغامات بھیجے لیکن مشاہدہ کیا کہ فی الحال واشنگٹن سے کوئی بات نہیں ہوئی۔

ایران اور امریکہ نے پیر کو لڑائی موقوف رکھی جس سے خلیج میں جہازرانی اور تیل کی صنعت کو میزائل حملوں سے بچنے کی مہلت مل گئی۔ اقوامِ متحدہ میں ڈونلڈ ٹرمپ کے ایلچی نے کہا ہے کہ صدر "مذاکرات کو موقع دے رہے ہیں۔"

امریکی فوج نے مسلسل 13 راتوں تک ایران پر حملے کیے جس کے بعد سے دونوں ممالک نے لڑائی روک رکھی ہے۔