کوئٹہ: سریاب روڈ پر بم دھماکا، 4 افراد جاں بحق، متعدد زخمی

پاکستان کے صوبے بلوچستان کے دارالحکومت کوئٹہ میں سریاب روڈ کے مقام پر ایک بم دھماکے کے نتیجے میں کم ازکم چار افراد جاں بحق جبکہ متعدد زخمی ہوگئے ہیں۔

ایک مقامی ٹی وی چینل کے مطابق سریاب روڈ پر ایک بس اڈے کے قریب ہونے والے اس دھماکے میں ایف سی کمانڈنٹ کی گاڑی کو نشانہ بنانے کے لئے خودکش دھماکا کیا گیا جس میں ایک بچے سمیت چار افراد جاں بحق ہوگئے ہیں۔ دھماکے کے نتیجے میں قریب کھڑی گاڑیوں کو نقصان پہنچا ہے۔

اس سے پہلے کوئٹہ میں ہی ایک بم دھماکے کے نتیجے میں ایڈیشنل آئی جی بلوچستان پولیس اور دیگر دو افسران کو نشانہ بنا کر شہید کردیا گیا تھا۔