• صفحہ اول
• مشرق وسطی

لبنان اور شام کے سرحدی علاقے جرود عرسال کی وادی حمید سے سرایا اھل الشام سے تعلق رکھنے والے تقریبا تین سو مسلح افراد ہفتے کے روز انخلاء کرنے والے ہیں۔

لبنانی فوجی ذرائع کے مطابق انخلاء کے بعد لبنانی علاقے الجرود میں لبنانی فوج تعنیات کی جائے گی جس کے بعد توقع ہے کہ یہ تازہ دم دستے داعش کے مسلح جنگجووں سے جنگ کریں گے جو القاع اور بعلبک کے علاقے میں موجود ہیں۔

لبنانی جنرل سیکیورٹی کے ڈائریکٹر جنرل عباس ابراہیم نے بتایا ہے کہ انخلاء کرنے والے جنگجو اپنے اہل خانہ کے ہمراہ علاقے سے نکلیں گے۔ ان کے ہمراہ وہاں مقیم متعدد خاندان رضاکارانہ طور پر علاقہ چھوڑنے پر آمادہ ہوئے ہیں۔ انخلاء کے عمل کو مکمل سیکیورٹی فراہم کی جائے گی۔ سیکیورٹی افراد کا تعلق لبنانی سیکیورٹی فورس سے ہو گا۔