• صفحہ اول
• مشرق وسطی

متحدہ عرب امارات کے وزیر مملکت برائے امور خارجہ انور قرقاش نے کہا ہے کہ کالعدم اخوان المسلمون مصر کو عدم استحکام سے دوچار کرنے کی سازش کر رہی تھی مگر اس کی سازش بری طرح ناکام ہوئی ہے۔

انہوں نے ہفتے کے روز اپنے ٹویٹر اکاؤنٹ پرایک ٹویٹ میں کہا کہ میڈیا پلیٹ فارمز سے مصری ریاست اور اس کے اداروں کے خلاف شروع کی گئی مہم کو ناکام بنا دیا ہے۔

ان کا کہنا ہے کہ مصر اور اس کے استحکام کے خلاف اخوان کی منظم مہم بری طرح ناکام ہوچکی ہے۔ حکومت اور ریاست کے خلاف منظم پالیسی کے تحت شروع کیے گئے ابلاغی پلیٹ فارمز سے مصرکو عدم استحکام سے دوچار کرنے کی سازش بری طرح ناکام بنا دی گئی ہے۔

انہوں نے اس بات پر بھی زور دیا کہ مصر کو روزانہ کی بنیاد پر چیلنجوں کا سامنا کرنا پڑتا ہے۔ اخوان المسلمون کے حامی بیرون ملک سے فنڈنگ کے ذریعے مصر میں شورش پھیلانے کی مذموم کوششیں کرتے ہیں مگر انہیں اس میں بری طرح ناکامی ہوگی۔