• صفحہ اول
• مشرق وسطی

سعودی عرب میں سرحدی محافظین کی فورس نے حال ہی میں 28 لاکھ نشہ آور گولیوں کی اسمگلنگ کی کوشش ناکام بنا دی۔

سرحدی محافظین کے جنرل ڈائریکٹریٹ کے سرکاری ترجمان کرنل مسفر القرینی کے مطابق سیکورٹی نگرانی کی مدد سے "ایمفیٹامائن" نشہ آور گولیوں کی کھیپ اسمگل ہونے کی کوشش کو ناکام بنا دیا گیا۔ علاوہ ازیں مملکت میں ان 28 لاکھ گولیوں کے وصول کنندہ کو بھی گرفتار کیا جا چکا ہے۔

اسی طرح سعودی عرب کی جنوبی سرحد کے راستے 627 کلو گرام حشیش اور 28 ٹن سے زیادہ نشہ آور بوٹی 'قات' کی اسمگلنگ کو بھی ناکام بنا دیا گیا۔

مذکورہ سرکاری ترجمان نے واضح کیا کہ اسمگلنگ اور اور اس کی وصولی کے الزام میں 36 افراد کو حراست میں لے لیا گیا۔ ان میں 28 سعودی شہری ، 7 یمنی شہری اور ایک ایتھوپیا کا شہری ہے۔ ملزمان کے خلاف قانونی کارروائی جاری ہے۔