• صفحہ اول
• مشرق وسطی

مدینہ منورہ میں بارش کی متوقع صورت حال کے پیش نظر مسجد نبویﷺ میں زائرین کی حفاظت اور سلامتی کے لیے غیرمعمولی انتظامات کیے گئے ہیں۔

مسجد نبویﷺ کے انتظامی امور کی ذمہ دار سکیورٹی، سیفٹی اور ایمرجنسی رسپانس ایجنسی کے جنرل ڈیپارٹمنٹ آف سیفٹی اینڈ رسک ریسپانس کے ذریعے بارش کے موسم میں زائرین کے لیے اضافی اقدامات کیے گئے تاکہ زائرین اور نمازیوں کی حفاظت کو برقرار رکھنے کے ساتھ ساتھ مسجد نبویﷺ میں خراب موسم کے لیے وضع کردہ ہنگامی پلان کی تیاری اور عمل درآمد کو یقینی بنایا جا سکے۔

بارش کے موسم میں زائرین مسجد نبوی ﷺ کی سلامتی کے لیے غیرمعمولی انتظامات

انتظامیہ نے مسجد نبویﷺ میں سروسز فراہم کرنے والے مختلف دیگر محکموں کے ساتھ مل کر کام کیا۔ مسجد نبویﷺ کے صحنوں میں قالینوں کو ہٹا دیا گیا، اس کے علاوہ کارکنوں کی تعداد بڑھا دی گئی، مسجد کے بیرونی فرش کو خشک کرنےکے لیے اضافی سامان فراہم کیا گیا۔

انتظامیہ نےمتعلقہ محکمے کے ساتھ مل کر بارش کے دوران صحن میں موجود چھتریوں کو کھول دیا۔ یہ تمام سروسز زائرین کو مسجد نبویﷺ میں عبادت کے لیے پرسکون ماحول فراہم کرنے کے لیے حکومت کی طرف سے اقدامات کا حصہ ہے۔