ہوائی جہاز میں ’ڈانس پارٹی‘، منعقد کرنے والی ٹک ٹاکر تنقید کی زد میں
عموما ہوائی جہاز میں سفر کے مسافروں کواپنی نشستوں پر سکون اور احتیاط کے ساتھ بیٹھنے اور لینڈنگ یا ٹیک آف کےدوران سیٹ بیلٹ باندھنے کی سختی سے تاکید کی جاتی ہے، مگر بعض اوقات ہوائی جہاز میں مسافر’ہلا گلا‘ کرکے ان ضبواط کی خلاف ورزی کے بعد سوشل میڈیا پر تنقید کا بھی سامنا کرتے ہیں۔
ایسا ہی ایک مصری ٹک ٹاکرنے کیا۔ اس نے ’نیل ایئرلائن‘ کی ایک مسافرپرواز کے دوران کئی ہزار فٹ بلندی پر مسافروں کے درمیان ’ڈانس پارٹی‘ کا انعقاد کیا۔ اس نے نہ صرف ڈانس کیا بلکہ ڈھول بھی بجایا۔
اس واقعے کی ایک ویڈیو جسے جہاز ہی کے عملے کے ارکن رکن نے شوٹ کیا تھا سوشل میڈیا پر زیر بحث ہے۔
ویڈیو میں دیکھا جا سکتا ہے کہ مصری ٹک ٹاکر سارہ البططی جہاز میں ڈھول کی تھاپ کر گانا بھی گا رہی ہیں۔ بعد میں اس نے ایسی ہی ایک ویڈیو اپنے ٹک ٹاک اکاؤنٹ پر بھی پوسٹ کی۔
تاہم جہاز میں دوران سفر اس طرح کی سرگرمی پر ٹک ٹاکر کوسوشل میڈیا صارفین نے آڑے ہاتھوں لیا۔ بعض صارفین نےجہاز کےعملے کے اس رکن کو بھی تنقید کا نشانہ بنایا جس نے اس پارٹی کی ویڈیو بنائی تھی۔
البتہ بعض لوگ اس ڈانس پارٹی کی حمایت کرتے بھی دکھائی دیے۔ٹک ٹاکر نے ویڈیو پر تبصرہ کرتے ہوئے لکھا کہ ’ایک پارٹی جس نے ہوائی جہاز کو الٹ دیا‘۔