• صفحہ اول
• مشرق وسطی

سعودی وزارت داخلہ نے تصدیق کی ہے کہ جو کوئی بھی کسی شخص کے لیے کسی بھی قسم کا visit ویزا جاری کروانے کی درخواست دے اور آنے والا شخص بغیر اجازت نامے (تصریح) کے حج کرنے کی کوشش کرے یا مکہ مکرمہ اور مقدس مقامات میں داخل ہو یا ان میں قیام کرے ... تو درخواست دہندہ پر ایک لاکھ (100,000) ریال تک جرمانہ عائد کیا جائے گا۔

یہ پابندی یکم ذو القعدہ سے لے کر 14 ذو الحجہ کے اختتام تک نافذ العمل ہے۔ جرمانے کی تعداد اُن افراد کی تعداد کے حساب سے بڑھتی جائے گی جن کے لیے وزٹ ویزے جاری کیے گئے ہوں اور وہ بغیر اجازت حج کرنے کی کوشش کریں یا مکہ مکرمہ اور مقدس مقامات میں داخل ہوں یا وہاں قیام کریں۔

وزارت داخلہ نے تمام افراد سے اپیل کی ہے کہ وہ حج سے متعلقہ قوانین و ہدایات کی مکمل پابندی کریں، جن کا مقصد حجاج کرام کے تحفظ اور ان کے مناسکِ حج کو آسانی اور اطمینان کے ساتھ ادا کرنے کو یقینی بنانا ہے۔ خلاف ورزی کرنے والوں کے متعلق مکہ مکرمہ، مدینہ منورہ، ریاض اور الشرقیہ صوبوں میں ہیلپ لائن 911 اور باقی تمام صوبوں میں 999 پر فوری اطلاع دینے کی ہدایت کی گئی ہے۔