• صفحہ اول
• مشرق وسطی

امارات میڈیا آفس نے ہفتے کے روز بتایا کہ متحدہ عرب امارات کے فجیرہ میں جو بحری ایندھن کا ایک بڑا مرکز ہے، ایک ڈرون کو روکنے کے دوران ملبہ گرنے کے بعد آگ لگ گئی تاہم کوئی جانی نقصان نہیں ہوا۔

میڈیا آفس نے مزید کہا، شہری دفاع کے دستے آگ پر قابو پانے کے لیے جائے وقوع پر کارروائی کر رہے ہیں۔

خلیجی ممالک ایران کے میزائلوں اور ڈرونز کا نشانہ بن رہے ہیں لیکن ان کا فضائی دفاعی نظام زیادہ تر خطرات کو روکنے میں کامیاب رہا ہے۔

تہران نے کہا ہے کہ اس کے حملوں کا نشانہ خطے میں امریکی موجودگی اور اس کے فوجی مراکز ہیں۔ متحدہ عرب امارات، عراق، اردن اور ترکی امریکی فوجی تنصیبات کی میزبانی کرتے ہیں۔

دبئی ایئرپورٹ، تاریخی ہوٹلز اور مالیاتی مرکز سمیت متحدہ عرب امارات کے شہری انفراسٹرکچر پر ڈرون یا میزائل داغے گئے ہیں۔