مکہ مکرمہ :مسجد الحرام میں کعبۃ اللہ کو غسل

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

مکہ مکرمہ کے گورنر شہزادہ مشعل بن عبداللہ بن عبدالعزیز نے جمعرات کو سعودی فرمانروا خادم الحرمین الشریفین شاہ عبداللہ بن عبدالعزیز کی جانب سے مسجد الحرام میں واقع کعبۃ اللہ کو غسل دیا ہے۔

اللہ کے گھر کو غسل دینے کے عمل میں سعودی عرب کے وزیرثقافت اور اطلاعات عبدالعزیز بن محی الدین خوجہ ،دو مقدس مساجد کی صدارت کے سربراہ عبدالرحمان السدیس ،نائب سربراہ محمد الخزیم ،مکہ میونسپل کے مئیر اسامہ البار ،اسلامی ممالک کے سفراء اور دوسری اہم سعودی شخصیات شریک تھیں۔

واضح رہے کہ کعبۃ اللہ کو آبِ زمزم اور عرقِ گلاب کے خصوصی آمیزے سے رمضان المبارک کے آغاز سے قبل غسل دیا جاتا ہے۔سعودی عرب میں جون کے آخری ہفتے میں رمضان کا آغاز ہورہا ہے۔

شیخ عبدالرحمان السدیس نے اس موقع پر بتایا کہ کعبۃ اللہ کو غسل دینا نبی اکرم صلی اللہ علیہ وسلم کی سُنت ہے۔آپ صلی اللہ علیہ وسلم نے مکہ کو فتح کرنے کے بعد خانہ کعبہ کو غسل دیا تھا۔

مقبول خبریں اہم خبریں

مقبول خبریں