’العربیہ‘ چینل کا نام برج الخلیفہ کی بلندیوں پر چمک اٹھا!

متحدہ عرب امارات کے شہر دبئی کے وسط میں قائم دنیا کی بلند ترین عمارت ’برج الخلیفہ‘ کو ’العربیہ‘ نیوز چینل کے نام اور اس کے بنفشی رنگوں سے مزین کرکے چینل کی خدمات کو منفرد انداز میں خراج تحسین پیش کیا ہے۔

برج الخلیفہ کو العربیہ کے رنگوں سے مزین اور اس پر’العربیہ‘ کا نام روشن کرکے ٹی وی چینل کی عرب دنیا میں ابلاغی خدمات کا اعتراف کیا گیا۔ عرب ذرائع ابلاغ میں برج الخلیفہ کی بلندیوں پر چمکنے کا پہلا اعزاز العربیہ کو ملا ہے۔

برج الخلیفہ کے سامنے نصب فوارے سے اچھلتے پانی سے بھی العربیہ کے بنفشی رنگ اور اس کے سفید نام کے منفرد مناظر کا مظاہرہ پیش کرکے العربیہ چینل کی ذرائع ابلاغ میں اس کی پیشہ وارانہ خدمات کا اعتراف کیا گیا۔