ترکیہ میں 6 دن کے بعد ملبے تلے دبی بچی عائشہ بازیاب: ریسکیو آپریشن ’’العربیہ‘‘ پر نشر

ترکی کے شہر قہرمان مرعش میں ہفتے کے روز 6 دن سے ملبے تلے دبی 7 سالہ بچی عائشہ کو کامیابی سے نکال لیا گیا۔ یہ ریسکیو آپریشن العربیہ چینل پر لائیو پیش کیا گیا۔

ریسکیو آپریشن چار گھنٹے تک جاری رہا جس کی لمحہ بہ لمحہ تفصیلات دنیا بھر سے لاکھوں ناظرین نے العربیہ چینل پر براہ راست دیکھیں۔

بچی کو طبی امداد کے لیے ہسپتال منتقل کر دیا گیا ہے۔

ریسکیو ٹیموں نے عائشہ سے چند گھنٹے پہلے اس کی 11 اور 8 سالہ دو بہنوں کو بھی ملبے تلے سے نکالا تھا۔

تلاش سے قبل بچی کے چچا اور دادا نے اس بات کی تصدیق کی تھی کہ وہ [عائشہ] زندہ ہے۔