چوہا پکڑنے بلی لائی گئی مگر وہ کچھ ہوا جس کا تصور بھی ممکن نہیں: ویڈیو دیکھیے

چوہے کے شکار کے لیے لائی گئی بلی چوہے کو دیکھ کر بھاگ کھڑی ہوئی

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

ہم میں سے ہرایک جانتا ہے کہ بلی چوہوں کی دشمن ہے اور چوہے بلی کا پسندیدہ شکار ہیں۔ مگر کیا کبھی اس کے برعکس ہوا ہے کہ ایک بلی چوہے کو دیکھ کر خوف کے مارے بھاگ کھڑی ہوئی ہو۔

اگرچہ چوہے کو دیکھ کر بلی کے خوف زدہ ہونے کے واقعے پر یقین نہیں کیا جا سکتا ہے مگر یہ سچ ہے کہ ایسا ہوچکا ہے۔

یہ چلی کا واقعہ ہے جو اس وقت سوشل میڈیا پر ایک ویڈیو کی شکل میں وائرل ہو رہا ہے۔ ویڈیو میں دیکھا جا سکتا ہے کہ ایک گھر کے باورچی خانے میں چوہے کا شکار کرنے کے لیے لائی گئی بلی چوہے کو دیکھ کر بھاگ کھڑی ہوئی۔

تفصیلات کے مطابق ایک شخص نے اپنے باورچی خانے میں موجود چوہے سے نجات پانے کے لیے ایک بلی لائی۔ بلی کو کچن میں چھوڑا گیا۔ اگلے ہی لمحے چوہا اپنے بل سے باہر نکلا جسے دیکھ کر بلی بھاگ کھڑی ہوئی۔ وہ دروازے کے شیشے سے چپک کر کھڑی ہوئی اور میاؤں میاؤں کرکے مدد مانگنے لگی۔

جب بلی بھاگ نکلی تو مالک نے خود ہی کچن میں چوہے کا پیچھا کیا اور اسے مارنے کی کوشش کی۔

اس ویڈیو پر مزاحیہ رد عمل آیا ہے، تاہم بعض صارفین کا کہنا ہے کہ پالتو بلیاں اکثر چیزوں سے ڈر جاتی ہیں مگر آوارہ بلیاں چوہوں سے نہیں ڈرتیں اور ان کا بے خوفی سے شکار کرتی ہیں۔

بعض صارفین نے چوہے کو دیکھ کر بلی کے بھاگ جانے کے واقعے کو حیران کن اور ناقابل یقین قرار دیا۔

مقبول خبریں اہم خبریں

مقبول خبریں