سعودی عرب: ہیروئن اسمگلنگ کے الزام میں‌ دو پاکستانی گرفتار

سعودی عرب میں دو پاکستانی باشندوں سمیت چار افراد کو ہ یروئن کی اسمگلنگ کےالزام میں حراست میں لیا گیا ہے۔

العربیہ ڈاٹ نیٹ کےمطابق سعودی وزارت داخلہ کے زیرانتظام سیکیورٹی ادارے کے ترجمان میجر جنرل منصور الترکی نے بتایا کہ پولیس کو جدہ میں ایک مشکوک مکان میں کچھ غیر ملکیوں کی مشتبہ سرگرمیوں کی اطلاع ملی تھی جس پرچھاپہ مار کرچار افراد کو حراست میں‌لیا گیا ہے۔ جن میں دو پاکستانی باشندے بھی شامل ہیں۔ان کے قبضے سے دو کلو ہیروئن خام حالت میں برآمد کی گئی ہے۔

ترجمان کا کہنا تھا کہ ابتدائی تفتیش سے معلوم ہوا ہے کہ چاروں ملزمان سعودی عرب میں منشیات کی اسمگلنگ اور اس کے غیرقانونی دہندے میں ملوث رہے ہیں۔ مزید تفتیش کے لیے انہیں سیکیورٹی حکام کے حوالے کر دیا گیا ہے جہاں ان سے ایک خفیہ مقام پر پوچھ تاچھ جاری ہے۔