علی عبداللہ صالح کے پاس کیمیائی ہتھیاروں کی موجودگی کا شبہ

سعودی سربراہی میں حوثی باغیوں کے خلاف یمن میں آُپریشن کرنے والے اتحاد کے ترجمان نے سابق یمنی صدر علی عبداللہ صالح کے پاس کیمیائی ہتھیاروں کی موجودگی کا شبہ ظاہر کیا ہے۔

بریگیڈئیر جنرل احمد اسیری کا کہنا ہے کہ علی عبداللہ صالح ناقابل اعتبار شخص ہیں جو اپنے آپ کو بچانے کے لئے کوئی بھی طریقہ اختیار کرسکتے ہیں۔

اسیری نے یہ بیان یمن میں جاری سعودی آپریشن 'فیصلہ کن طوفان' کے بریفنگ سیشن کے دوران کہی تھی۔ آپریشن کے نویں دن بریفنگ میں اسیری نے کہا کہ اگر یہ شک صحیح نکلا تو سعودی عرب اور اتحادی فوری طور پر یمن کے عوام کے تحفظ کے لئے جوابی کارروائی کریں گے۔

انہوں نے مزید بتایا کہ اتحاد بہت احتیاط سے کام لے رہا ہے اور ہر ممکن اقدام کی چھان بین کررہا ہے۔