سعودی محکمہ صحت نے حج انتطامات مکمل کرلیے

#سعودی_عرب کی وزارت صحت نے #حج سے متعلق خصوصی انتظامات مکمل کرنے کا اعلان کیا ہے اور کہا ہے کہ حکومت کی جانب سے مقدس مقامات پر 25 ہنگامی اسپتال قائم کیے ہیں جہاں ہنگامی حالات سے نمٹںے کے لیے 5000 ہزار بستر تیار کیے گئے ہیں۔ ان اسپتالوں کے علاوہ کئی موبائل ڈسپنسریاں بھی قائم کی جا رہی ہیں۔ طبی عملہ بھی حجاج کرام کے ساتھ ساتھ سفر کرے گا تاکہ حجاج کی طبی سہولیات کا خیال رکھا جاسکے۔

محکمہ صحت کی جانب سے جاری ایک بیان میں بتایا گیا ہے کہ میدان #عرفات میں 4 اسپتال قائم کیے گئے ہیں۔ #منیٰ میں 4، مقدس دارالحکومت [#مکہ مکرمہ] میں 7، #مدینہ منورہ میں 9 اسپتال قائم کیے گئے ہیں جب کہ شاہ عبداللہ میڈیکل کمپلیکس بھی حجاج کرام کی خصوصی نگہداشت کے لیے تیار رکھا گیا ہے۔

بیان میں بتایا گیا ہے کہ مقدس مقامات پر قائم کردہ پچیس اسپتالوں میں مریضوں کے لیے 5000 بستروں کا انتظام کیا گیا ہے۔ ان میں سے 500 بستر انتہائی نگہداشت وارڈز کے لیے مختص ہیں جب کہ 550 بستر شعبہ حادثات میں رکھے گئے ہیں۔

مکہ مکرمہ میں حج کے موقع پر 155 چھوٹے مراکز صحت بھی قائم کیے گئے ہیں۔ ان میں مکہ مکرمہ میں 43، مناسک حج کے مقدس مقامات میں 78، عرفات میں 46، مزدلفہ میں 6، منیٰ میں 26، مدینہ منورہ میں 18، مقام جمرات میں 16 ہنگامی مراکز صحت قائم کیے گئے ہیں۔ حرم مکی میں تین ایمبولینس سروس سینٹر۔ مشاعر ٹرین کے روٹ کے آس پاس 18 مقامات پر مراکز صحت قائم کیے گئے ہیں۔