بحر متوسط سے شام میں داعش کو نشانہ بنائیں گے: روس

روسی فوج کے ایک ذمہ دار ذریعے نے بتایا ہے کہ ان کی فوج بحر متوسط میں موجود جنگی جہازوں سے #شام میں انتہا پسند تنظیم دولت اسلامیہ عراق وشام "#داعش" کے ٹھکانوں کو میزائلوں سے نشانہ بنائے گی۔

العربیہ ڈاٹ نیٹ کے مطابق اخبار "کومسوملسکایا برافدا" کے نامہ نگار نے روسی جنرل انڈریے کارٹا بولوف سے جب پوچھا کہ کیا #بحر_متوسط میں موجود ان کے جنگی جہاز ضرورت پڑنے پر شام کے اندر میزائلوں سے حملے کریں تو انہوں نے جواب دیا کہ "ہاں بالکل کریں گے"۔

خیال رہے کہ #روس اس سے قبل بحر قزوین سے شام اور #عراق میں شدت پسندوں کے خلاف کروز میزائلوں سے حملے کر چکا ہے۔ شام کے اندر داغے گئے میزائل عراق اور #ایران کی فضاء سے گذرے تھے۔