.

روس کے شام میں حملے، بچوں سمیت 370 ہلاک

پہلی اشاعت: آخری اپ ڈیٹ:

شام میں انسانی حقوق کی ایک آبزرویٹری نے منگل کے روز جاری کردہ اعداد وشمار میں بتایا ہے کہ تین ہفتے قبل روس کے شام میں شروع کئے گئے فضائی حملوں میں ابتک 370 افراد ہلاک ہو چکے ہیں۔ مرنے والوں کی ایک تہائی تعداد عام شہریوں کی ہے۔

آبزرویٹری کے مطابق 30 ستمبر سے شروع ہونے والے ان روسی حملوں میں 127 شامی شہری جبکہ 36 بچے ہلاک ہوئے۔

لندن کے مرکزی دفتر سے آبزرویٹری کے جاری بیان میں بتایا گیا ہے کہ مرنے والے باقی افراد کا تعلق مختلف مسلح تنظیموں کے جنگجوؤں سے ہے۔ ان میں داعش اور شام میں القاعدہ کا ونگ النصرہ فرنٹ قابل ذکر ہیں۔