داعش کے خلاف جنگ میں سعودی، اماراتی فوج کی شرکت

امریکی وزیر دفاع آشٹن کارٹر نے امید ظاہر کی ہے کہ سعودی عرب اور متحدہ عرب امارات اپنی خصوصی ٹاسک فورس کو داعش کے خلاف شامی اپوزیشن جنگجوؤں کے معرکہ میں شرکت اور الرقہ شہر کا قبضہ واگزار کرانے کے لئے بھیجیں گے۔

بروکسلز میں مذاکرات کے بعد آشٹن کارٹر نے بتایا کہ "ہم شام کے ان سنی عربوں کو بالخصوص موقع اور وسائل فراہم کریں گے کہ جو الرقہ شہر سمیت شام کے دیگر علاقوں کو داعش کے چنگل سے آزاد کرانا چاہتے ہیں۔

جمعہ کے روز مسٹر کارٹر نے متحدہ عرب امارات کے عہدیداروں سے ملاقات کی تھی جس کے بعد ان کا کہنا تھا کہ یو اے ای نے امریکی قیادت میں داعش کے خلاف اپنے فضائی حملے دوبارہ شروع کرنے کا وعدہ کیا ہے۔ نیز جمعرات کے روز سعودی حکام نے بھی امریکی وزیر دفاع کو ایسے ہی یقین دہانیاں کرائی تھیں۔