.

ترکی : دیاربکر دھماکہ.. ذمہ داری کردستان لیبر پارٹی نے قبول کرلی

پہلی اشاعت: آخری اپ ڈیٹ:

کالعدم تنظیم کردستان لیبر پارٹی نے جمعے کے روز انٹرنیٹ پر جاری کیے گئے ایک بیان میں ترکی کے جنوب مشرقی شہر دیاربکر میں ہونے والے کار بم دھماکے کی ذمہ داری قبول کرلی ہے۔ جمعرات کے روز ہونے والے اس دھماکے میں ملٹری پولیس کے 7 ارکان ہلاک اور 27 دیگر افراد زخمی ہوگئے تھے۔

ملک کے جنوب مشرق میں کرد اکثریتی علاقے میں ترک وزیراعظم احمد داؤد اوگلو کے دورے سے ایک روز قبل یہ دھماکہ، علاقے میں اب تک ہونے والے سب سے بڑے کار بم دھماکوں میں سے ہے۔ واضح رہے کہ یہ علاقہ کئی ماہ سے پرتشدد کارروائیوں کی زد میں ہے۔