لیبیا: سرت کو داعش سے چھڑانے کے لیے آپریشن کا آغاز

لیبیا کی فوج نے سرت شہر سے دہشت گرد تنظیم دولت اسلامیہ ’داعش‘ کا قبضہ ختم کرانے کے لیے کل بدھ سے ایک نئی فوجی کارروائی شروع کی ہے۔

العربیہ ڈاٹ نیٹ کے مطابق سرت میں فوج کے آپریشن کنٹرول روم کو فوج کے سربراہ جنرل خلیفہ حفتر کی ہدایات موصول ہوئی ہیں جن میں فوج سے کہا گیا ہے کہ وہ سرت کو دہشت گردوں اور داعش کے جنگجوؤں سے آزاد کرانے کے لیے بڑے آپریشن کا آغاز کریں۔

اس حکم نامے کے بعد فوج نے سرت شہر کی بحری، بری اور فضائی ناکہ بندی کرتے ہوئے دہشت گردوں کے ٹھکانوں پر حملے شروع کردیے ہیں۔