شامی اپوزیشن کو طیارہ شکن دستی میزائل فراہم نہیں کر رہے: واشنگٹن

امریکی وزارت خارجہ نے بتایا ہے کہ واشنگٹن شامی اپوزیشن کے جنگجوؤں کو طیارہ شکن دستی میزائل MANPAD SYSTEM)) فراہم نہیں کرے گا۔ وزارت خارجہ کے مطابق اس سلسلے میں اس کا موقف تبدیل نہیں ہوا اور وہ شام میں اس نوعیت کے ہتھیاروں کے داخلے پر تشویش رکھتی ہے۔

اس سے قبل روس نے اس جانب اشارہ کیا تھا کہ شامی اپوزیشن کو مسلح کرنے پر پابندیوں میں نرمی سے متعلق امریکی فیصلہ ان طیارہ شکن میزائلوں کے شام بھیجے جانے کا راستہ کھول دے گا.. اور یہ وہاں موجود روسی افواج کے لیے براہ راست خطرے کا باعث ہوگا۔