.

ایرانی اور سعودی وفود الریاض اور تہران میں سفارت خانوں کا دورہ کریں گے: جواد ظریف

پہلی اشاعت: آخری اپ ڈیٹ:

ایرانی وزیر خارجہ محمد جواد ظریف نے کہا ہے کہ ایرانی اور سعودی وفود کو دونوں ملکوں کی جانب سے ویزے جاری کر دیے گئے ہیں اور وہ حج سیزن کے بعد تہران اور الریاض میں اپنے اپنے سفارت خانوں کامعائنہ کریں گے ۔

انھوں نے نیم سرکاری خبررساں ایجنسی ایسنا سے بدھ کے روز ایک انٹرویو میں کہا ہے کہ ’’ سعودی عرب کی عراق میں مصالحانہ کردار کے لیے درخواست سے انکار نہیں کیا گیا ہے‘‘۔

انھوں نے بتایا کہ انھوں نے سعودی عرب کے دورے کے بعد عراقی حکام سے بات چیت کی تھی اور اس حوالے سے بیانات کے نادرست ہونے کا پتا چلا تھا۔

جواد ظریف کا کہنا تھا کہ ایران سعودی عرب کے ساتھ مذاکرات کے لیے تیار ہے اور وہ خطے میں جاری بحرانوں کے سیاسی حل کے لیے ہر ممکن کوششیں کررہا ہے۔