اتحاد ائیرویز کا پائیلٹ ایمسٹرڈیم کے لیے پرواز کے دوران اچانک چل بسا !

پہلی اشاعت: آخری اپ ڈیٹ:
مطالعہ موڈ چلائیں
100% Font Size
دو منٹ read

اتحاد ائیر ویز کا ایک پائیلٹ بدھ کے روز ابو ظبی سے ایمسٹرڈیم کے لیے پرواز کے دوران اچانک چل بسا ہے۔اس کی ناگہانی موت کے بعد پرواز کو ہنگامی طور پر کویت میں اتار لیا گیا ہے۔

ابو ظبی کی ملکیتی فضائی کمپنی نے ایک بیان میں کہا ہے کہ پائیلٹ کی طبیعت خراب ہونے کے بعد طیارے کا رُخ کویت کی جانب موڑ دیا گیا تھا۔وہاں ایک میڈیکل ٹیم پائیلٹ کے طبی معائنے کے لیے موجود تھی اور اس نے انھیں دیکھنے کے بعد ان کی موت کا اعلان کردیا۔

اتحاد ائیر ویز نے اپنے بیان میں مزید بتایا ہے کہ پائیلٹ کی ابوظبی سے مال بردار طیارے کے اڑان بھرنے کے تھوڑی دیر بعد ہی اچانک حالت غیر ہوگئی تھی۔اس پر فرسٹ افسر نے ہنگامی کال کی اور طیارے کا رخ کویت کی جانب موڑ دیا گیا اور اس کو وہاں بہ حفاظت اتار لیا گیا۔

فضائی کمپنی نے اپنے پائیلٹ کی اس طرح دوران پرواز اچانک موت پر ان کے خاندان کے ساتھ گہرے دکھ اور افسوس کا اظہار کیا ہے اور کہا ہے کہ متوفیٰ کے خاندان کا خیال رکھا جائے گا۔

مقبول خبریں اہم خبریں

مقبول خبریں