بھارتی طالبہ نے نقل کی بدنامی سے بچنے سے خودکشی کے ذریعے موت کو گلے لگا لیا

بھارت کی ریاست چنائی کی ستیایامبھا یونیورسٹی کی ایک طالبہ کی امتحان میں نقل کے بعد مبینہ طور پر خودکشی کے بعد یونیورسٹی میں پر تشدد مظاہروں کا سلسلہ شروع ہو گیا۔

بھارتی میڈیا کے مطابق ستیایامبھا یونیورسٹی میں ایک طالبہ نے نقل کرتے ہوئے پکڑے جانے پر شرمندگی سے بچنے کے لیے مبینہ طور پر اپنے آپ کو موت کے گھاٹ اتار لیا۔

اٹھارہ سالہ طالبہ کی مبینہ خود کشی کی خبر جیسے ہی سارے علاقے میں پھیلی تو مظاہرین آپے سے باہر ہو گئے۔ مظاہرین نے یونیورسٹی کے ہاسٹلوں کے باہر فرنیچر کو آگ لگا دی اور احاطے میں موجود درخت بھی راکھ کا ڈھیر بن گئے۔

رات گئے مبینہ خود کشی کرنے والی طالبہ کے دو جڑواں بھائیوں اور دوستوں نے لڑکی کی لاش کو برآمد کیا۔ مظاہرین کا کہنا تھا کہ یونیورسٹی کی انتظامیہ نے طالبہ کی اتنی تذلیل کی کہ اسے یہ قدم مجبوراً اٹھانا پڑا۔