.

ایران حزب اللہ اور فلسطینی دھڑوں کی حمایت جاری رکھے گا : مشیر علی خامنہ ای

پہلی اشاعت: آخری اپ ڈیٹ:

ایران کے سپریم لیڈر آیت اللہ علی خامنہ ای کے مشیر برائے امور خارجہ علی اکبر ولایتی نے کہا ہے کہ ان کا ملک امریکا کے دباؤ کے باوجود مشرقِ وسطیٰ میں اپنا اثر ورسوخ کم نہیں کرنا چاہتا ہے اور وہ لبنان کی شیعہ ملیشیا حزب اللہ اور فلسطینی دھڑوں کی حمایت جاری رکھے گا۔

خبررساں ایجنسی فارس کے مطابق علی اکبر ولایتی نے جمعرات کو ایک بیان میں کہا ہے کہ ’’ ایران کے خطے میں اثرات ناگزیر ہیں اور وہ ایک اہم کھلاڑی کے طور پر اپنا اثر ورسوخ برقرار رکھے گا‘‘۔

واضح رہے کہ فاؤنڈیشن برائے دفاع جمہوریت کی جاری کردہ ایک رپورٹ میں انکشاف کیا گیا ہے کہ حزب اللہ کو ایران کی جانب سے سالانہ 70 سے 80 کروڑ ڈالرز امداد ملتی ہے ۔ یہ تفصیل مشرق ِ وسطیٰ کے امور کے ماہر ٹیلر اسٹیپلٹن نے ایک ٹویٹ میں جاری کی ہے۔