سعودی عرب پر حوثیوں کے میزائل حملوں کی مذمت کرتے ہیں: مفتی اعظم لبنان

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

لبنان کے مفتی اعظم شیخ عبداللطیف فائز دریان نے حوثی ملیشیا کی جانب سے سعودی عرب کے دیہات اور شہروں پر میزائل حملوں کی شدید مذمت کی ہے۔

شیخ دریان نے باور کرایا ہے کہ "سعودی عرب کا امن ہر مسلمان اور ہر عرب کے امن کا حصّہ ہے"۔

مفتی اعظم نے واضح کیا کہ لبنان کے مسلمانوں کے پاس اس کے سوا کوئی آپشن نہیں کہ وہ مملکت سعودی عرب کے ساتھ ہوں۔

یاد رہے کہ عالمی سلامتی کونسل نے بدھ کے روز سعودی عرب پر حوثی ملیشیا کی طرف سے داغے گئے میزائلوں کی شدید مذمت کی تھی۔ سلامتی کونسل کے مطابق حوثی ملیشیا کے میزائل خطے کے امن کے لیے خطرہ ہیں۔

سعودی فضائی دفاعی نظام 6 جون 2015ء کی صبح سے گزشتہ اتوار 25 مارچ 2018ء تک ایران نواز حوثی ملیشیا کی جانب سے داغے گئے 104 بیلسٹک میزائلوں کو فضا میں تباہ کر چکا ہے۔

مقبول خبریں اہم خبریں

مقبول خبریں