یمن میں آئینی حکومت کی بحالی کے لیے آپریشن کی حمایت جاری رکھیں گے: امریکا

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

امریکی وزیر دفاع جیمز میٹس نے کہا ہے کہ واشنگٹن یمن میں آئینی حکومت کی عمل داری کی بحالی کے لیے جاری آپریشن اور سعودی عرب کی قیادت میں عرب اتحادی فوج کی کارروائیوں کی حمایت جاری رکھے گا۔

"العربیہ" چینل کی رپورٹ کے مطابق واشنگٹن میں صحافیوں کے سوالوں کے جواب دیتے ہوئے جیمز میٹس نے ایک سوال کے جواب میں کہا کہ امریکا عرب اتحاد کی حمایت اور مالی مدد جاری رکھے گا اور سعودی عرب کے دفاع کی پالیسی سے دست بردار نہیں ہو گا۔

انہوں نے کہا کہ سعودی عرب اور عرب اتحاد یمن میں آئینی صدر عبد ربہ منصور ھادی کی حکومت کی بحالی کے لیے کوشاں ہیں۔ یمن میں ایرانی حمایت یافتہ حوثی باغیوں نے غیرقانونی طورپر آئینی حکومت کا تختہ الٹ رکھا ہے۔امریکی حکومت یمن میں حوثی باغیوں کی حکومت کو کسی صورت میں تسلیم نہیں کرے گی۔

امریکی وزیر دفاع کا کہنا تھا کہ ان کا ملک اور مغربی طاقتیں یمن میں آئینی حکومت کو اسلحہ اورمعلومات فراہم کرنے کا سلسلہ جاری رکھیں‌ گی۔

مقبول خبریں اہم خبریں

مقبول خبریں