الجزائر : متفقہ صدارتی امیدوار کے لیے اپوزیشن کا اجلاس

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

الجزائر میں آج اپوزیشن کی سیاسی شخصیات کا ایک اجلاس منعقد ہو رہا ہے۔ اجلاس کا مقصد آئندہ صدارتی انتخابات میں موجودہ صدر عبدالعزیز بوتفلیقہ کے مقابل ایک متفقہ امیدوار پیش کرنے پر موافقت ہے۔

اجلاس میں سابق وزیراعظم علی بن فلیس اور اپوزیشن جماعت "موومنٹ آف سوسائٹی فار پیس" کے سربراہ عبدالرزاق مقری بھی شرکت کریں گے۔

الحدث نیوز چینل کے ساتھ انٹرویو میں الجزائر کے سابق وزیراعظم علی بن فلیس نے تمام اپوزیشن گروپوں کو متفقہ امیدوار کے معاملے سے متعلق بحث میں شریک ہونے کی دعوت دی۔

ادھر الجزائر کے صدر نے خبردار کیا ہے کہ امن و امان کی صورت حال خراب کرنے کے لیے عوام کو مظاہروں کی دعوت دینے سے گریز کیا جائے۔ اس بات کی توقع کی جا رہی ہے کہ عبدالعزیز بوتفلیقہ کی جانب سے پانچویں مدت کے لیے صدارتی انتخابات میں نامزدگی پر عوام احتجاجی مظاہرے کریں گے۔

مقبول خبریں اہم خبریں

مقبول خبریں