.

یمنی اپنے ملک کو ایرانی اثرات سے چھٹکارا دلانے کے لیےمل جل کر کام کریں: عادل الجبیر

پہلی اشاعت: آخری اپ ڈیٹ:

سعودی وزیر مملکت برائے امور خارجہ عادل الجبیر نے کہا ہے کہ اہلِ یمن ملک میں جاری بحران کے حل کے لیے مکالمے کے ذریعے اپنے داخلی اختلافات کو ختم کریں اور یمن کو ایرانی اثرات سے چھٹکارا دلانے کے لیے مل جل کر کام کریں۔

انھوں نے سوموار کو سلسلہ وار ٹویٹس میں کہا کہ ایران یمن اور اس کے عوام کی خوش حالی نہیں چاہتا ہے جبکہ سعودی عرب خطے میں سلامتی اور استحکام کے حصول کے لیے کوششوں کی رہ نمائی کررہا ہے۔وہ ایرانی نظام اور انتہا پسند قوتوں کی کوششوں کا بھی مقابلہ کررہا ہے۔یہ قوتیں افراتفری اور عدم استحکام پھیلا رہی ہیں۔

عادل الجبیرنے کہا کہ سعودی عرب کی قیادت میں عرب اتحاد عدن ، شبوہ اور ابین میں سلامتی اور استحکام کے حصول کے لیے کام کررہا ہے اور وہ پورے یمن میں سلامتی اور استحکام کے قیام تک کوئی دقیقہ فروگذاشت نہیں کرے گا ۔