تیونس : صدارتی امیدوار کو زیرِ حراست رکھنے کا فیصلہ برقرار

تیونس کی ایک اپیل عدالت نے میڈیا کی ایک بڑی شخصیت اور صدارتی امیدوار نبیل قاروئی کو زیر حراست رکھنے کا فیصلہ برقرار رکھا ہے۔ ان پر ٹیکس فراڈ اور منی لانڈرنگ کے الزامات ہیں۔

نبیل قاروئی نے ملک میں پندرہ ستمبر کو ہونے والے صدارتی انتخابات سے قبل عدالت سے رہائی کے لیے رجوع کیا تھا لیکن ان کے وکیل کامل بن مسعود نے صحافیوں کو بتایا کہ ان کی ضمانت پر رہائی کے لیے درخواست مسترد کردی گئی ہے۔تاہم انھوں نے اس کی مزید تفصیل نہیں بتائی ہے۔

تیونس کے الیکشن کمیشن کے سربراہ نے گذشتہ ہفتے کے روز واضح کیا تھا کہ نبیل قاروئی منی لانڈرنگ کے الزامات میں گرفتاری کے باوجود بدستور صدارتی انتخابات میں امیدوار کے طور پر حصہ لیں گے۔