سعودی عرب میں اتوار کے روز کرونا کے 385 فعال کیس سامنے آئے

ڈیلٹا وائرس مملکت میں پھیل رہا ہے: ترجمان وزارت صحت

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

سعودی وزارت صحت کے ترجمان ڈاکٹر محمد العبد العالی نے کہا ہے کہ سعودی عرب میں اتوار 22 اگست کو کرونا کے 400 سے کم نئے مریض سامنے آئے ہیں جبکہ فعال کیسز کی تعداد میں بھی کمی آئی ہے۔

ترجمان وزارت صحت کے مطابق ’گذشتہ 24 گھنٹوں کے دوران کرونا کے 384 نئے مریض سامنے آئے جبکہ 737 افراد صحت یاب بھی ہوئے۔‘ انہوں نے بتایا کہ اب تک پانچ لاکھ 41 ہزار 994 افراد میں کرونا وائرس کی تصدیق ہو چکی ہے، جن میں سے پانچ لاکھ 28 ہزار 636 افراد شفایاب بھی ہوئے ہیں۔

انٹرویو ڈاکٹر محمد العبد العالی

وزارت صحت کے ترجمان نے اتوار کو نئے کرونا وائرس سے متعلق نیوز کانفرنس میں بتایا کہ ’وائرس کی نئی بدلی ہوئی شکل ڈیلٹا مملکت میں موجود ہے اور یہ وائرس پھیل رہا ہے۔ ویکسین کی ایک خوراک اس سے نمٹنے کے لیے ناکافی ہے‘۔

العبد العالی نے کہا کہ ’مملکت کے متعدد علاقوں میں ڈیلٹا ریکارڈ پر آ چکا ہے۔ یہ وبا کا باعث بننے والے اصلی وائرس سے تین گنا زیادہ تیزی سے پھیلتا ہے‘۔

مقبول خبریں اہم خبریں

مقبول خبریں