بریگزٹ کا خمیازہ، فرانسیسی حدود میں مچھلیاں پکڑنے والی دو برطانوی کشتیوں کو وارننگ

پہلی اشاعت: آخری اپ ڈیٹ:
مطالعہ موڈ چلائیں
100% Font Size
1 منٹ read

فرانسیسی انتظامیہ نے بندرگاہ لی ہاورے کے پاس فرانسیسی حدود کے اندر مچھلیوں کا شکار کرنے والی دو کشتیوں کو وارننگ جاری کر دی۔ برطانیہ اور فرانس کے درمیان بریگزٹ کے بعد سے حالات بدستور کشیدہ ہیں۔

برطانوی خبر رساں ایجنسی رائیٹرز کے مطابق فرانس کی وزارت میری ٹائم کی جانب سے جاری کردہ ایک بیان میں بتایا گیا ہے کہ بدھ کی رات کو دو کشتیوں کو وارننگ جاری کی گئی اور ایک کشتی کو تحویل میں لے کر بندرگاہ لے جایا گیا۔ فرانسیسی حکام کے مطابق اس کشتی کے کپتان اور عملے کے خلاف قانونی چارہ جوئی کی جاسکتی ہے اور اس کی جانب سے شکار کردہ مچھلیاں ضبط کر لی گئی ہیں۔

فرانس کے مطابق برطانیہ کی جانب سے یورپی یونین چھوڑنے کے بعد فرانسیسی مچھیروں کوبرطانوی پانیوں میں شکار کرنے کے لئے لائسنس فراہم نہیں کئے جارہے ہیں جو کہ باعث تشویش ہے۔

مقبول خبریں اہم خبریں

مقبول خبریں