ملائیشیا میں سائنسی ایجادات کی عالمی نمائش میں سعودی طلبا نے میدان مار لیا

ملائیشیا میں ایجادات اور تکنیکی اختراعات کی بین الاقوامی نمائش "ITEX 2022" میں شرکت کرنے والے سعودی طلباء نے 6 گولڈ، 2 سلوراور 5 خصوصی میڈل جیت کر مملکت کے ٹیلنٹ کا ایک بار پھر عالمی سطح پر ثبوت پیش کیا ہے۔

’آئیٹکس‘ نمائش میں سعودی طلبا اور طالبات نےسائنسی تحقیقی خدمات کے صلے میں مجموعی طور پر چھ گولڈ میڈل حاصل کیے۔

طالب علم وسام جابر المالکی اور اسماعیل ابراہیم صفراطہ نے آٹومیشن اور آپریشنز کے شعبے گولڈ میڈل جیتا۔ فیصل فہد المحیش نے میٹریل فیلڈ میں گولڈ میڈل حاصل کیا۔ طالبہ جنی غسان زکائی نے انفارمیشن، کمیونیکیشن اور ملٹی میڈیا ٹیکنالوجی کے شعبے کے طالب گولڈ میڈل جیتا۔

طالبہ شہزادی علی العجلان نے بائیوٹیکنالوجی اور صحت کے شعبے میں گولڈ میڈل جیتا جب کہ طالبہ جنیٰ سلیمان الریفی نے بھی دو چاندی کے تمغے حاصل کیے۔ طالبہ میمونہ فائق فطانی نے ماحولیاتی میدان میں سلورمیڈیل اور طالب علم مشاری عبداللہ الدوسری نے میٹریل فیلڈ میں سلور میڈل حاصل کیا۔

سعودی طلبا جنیٰ غسان زکائی، امیرہ علی العجلان اور فیصل فہد المحیش نے بہترین ’موجدین‘ کے طور پر IETEX کی جانب سے خصوصی انعامات حاصل کیے جبکہ طالبہ میمونہ فائق فطانی اور طالب علم جنیٰ سلیمان الریفی کو گلف پیٹنٹ کونسل کی جانب سے دو اعزازی ایوارڈز ملے۔

ملائیشیا میں سعودی عرب کے ثقافتی اتاشی، فہد الشمری نے نمائش میں گولڈ اور سلور میڈل حاصل کرنے پر مملکت کے طلباء پر فخر کا اظہار کیا۔